सुर्खेत । राष्ट्रिय सभा सदस्यका लागि कर्णाली प्रदेशमा मतदान सकिएको छ । प्रदेशसभा सदस्य ४० र गाउँपालिकाका अध्यक्षरउपाध्यक्ष र नगरपालिकाका प्रमुख र उपप्रमुख १५६ गरी कुल १९६ जनाले मतदान गरेका हुन् ।
तीन सदस्यका लागि प्रदेश निर्वाचन कार्यालयमा बिहान ९ बजेदेखि मतदान सुरू भएको थियो ।
दिउँसो १ बजेसम्म स्थानीय तहका सबै मतदाताहरुले मतदान गरिसकेका थिए ।
राष्ट्रिय सभाको तीन सिटका लागि कर्णालीमा ६ जनाले उम्मेदवारी दिएका छन् ।
जसमा गठबन्धनका तर्फबाट नेपाली कांग्रेसका कृष्णबहादुर रोकाया रुकुम पश्चिम अन्य, नेकपा माओवादीका विष्णु बहादुर विक कालीकोट दलित र एकीकृत समाजवादीकी सावित्री मल्ल दैलेख उम्मेदवार छन् ।
त्यस्तै नेकपा एमालेबाट महिलातर्फ हुम्लाकी विमलाकुमारी शाही, अन्यबाट मुगुका डिल्लीप्रसाद भट्ट र दलित कोटाबाट दैलेखका हिक्मत विक उम्मेदवार रहेका छन् ।
निर्वाचन कार्यालयका अनुसार ३ बजेपछि मतगणना हुनेछ ।
